Thursday, February 25, 2021
malegaontimes

انڈونیشیا میں آتش فشاں پھٹ پڑا، 18 کلومیٹر تک دھماکے کی آواز پھیلی

انڈونیشیا میں ماؤنٹ پیراپی نامی آتش فشاں پھٹ پڑا جسکے بعد اسکا لاوا پہاڑ سے بہتے ہوئے زمین پر پہنچ گیا اور آسمان میں دھویں کے بادل دکھائی دئے حکام کے مطابق آتش فشاں اتنی شدت سے پھٹ رہا ہے کہ اس کی آواز 18 کلومیٹر دور تک سنائی دے رہی ہے۔

میراپی انڈونیشین زبان میں ’آگ کے پہاڑ‘ کو کہتے ہیں، اس لیے انگلش میں اس آگ کے پہاڑ کا نام ماؤنٹ میراپی مشہور ہے۔ یہاں ماضی میں آتش فشاں پھٹنے کے واقعات میں درجنوں افراد ہلاک اور بستیاں اجڑ چکی ہیں۔ بیشتر مواقع پر انتظامیہ پیشگی احتیاطی تدابیر کے طور پر مقامی آبادی کو محفوظ مقام پر منتقل کرتی ہے۔

انڈونیشیا کے حکام کے مطابق اس پر مرتبہ نومبر میں ہی ماہرین نے خطرے کی گھنٹی بجائی تھی جس پر حکومت نے 2000 سے زائد مقامی لوگوں کو محفوظ مقام پر منتقل کیا تھا جس کے باعث جانی نقصان کی تاحال کوئی اطلاع نہیں۔آگ کا یہ پہاڑ انڈونیشیا کے گنجان آباد جزیرہ جاوا میں واقع ہے اور اس کی اونچائی 9 ہزار فٹ سے زائد ہے۔ حکام نے مقامی آبادی کو ’ڈینجر زون‘ سے 3 میل دور رہنے کی ہدایت کی ہے۔

ماؤنٹ میراپی پر آج تک کا سب سے خوفناک اور تباہ کن آتش فشاں 2010 میں پھٹا تھا جس میں 345 افراد ہلاک ہوگئے تھے۔ جزیروں پر مشتمل مسلم اکثریتی ملک انڈونیشیا بحرالکاہل کے ایسے خطے میں واقع ہے جس کو ’رنگ آف فائر‘ کہا جاتا ہے۔

error: Content is protected !!