Monday, March 8, 2021
malegaontimes

متحدہ عرب امارات ان لوگوں کو شہریت دے رہا ہے

متحدہ عرب امارات کے نائب صدر اور دبئی کے حکمراں شیخ محمد بن راشد آل مکتوم نے شہریت اور پاسپورٹ دینے سے متعلق قوانین میں ترامیم کی منظوری کا اعلان کیا ہے۔دبئی کے حکمراں نے آج صبح اپنی ٹویٹ میں بتایا کہ “ریاست کے صدر (شیخ خلیفہ بن زائد آل نہیان) کی ہدایات پر آج قانونی ترامیم کو منظور کر لیا گیا ہے۔

نئی ترامیم کی رُو سے سرمایہ کاروں اور اعلی صلاحیتوں کے مالک سائنس دانوں، طبیبوں، انجینئروں، فن کاروں اور دانش وروں کو ان کے اہل خانہ سمیت اماراتی شہریت اور پاسپورٹ دیا جا سکے گا۔ اس کا مقصد ہمارے ترقی کے سفر میں بھرپور انداز سے شریک ذہنوں کو یہاں باقی رکھنا اور نئے ذہنوں کو کشش دلانا ہے”۔

شیخ محمد کے مطابق اماراتی شہریت کے حصول کے اہل افراد کی نامزدگی کابینہ، مقامی سرکاری دفاتر اور ایگزیکٹو کونسلوں کے ذریعے عمل میں آئے گی۔دبئی کے حکمراں نے مزید کہا کہ “ہر طبقے کے لیے واضح معیارات وضع کیے گئے ہیں۔ قانون کے مطابق اہل افراد کو اپنی دیگر شہریت برقرار رکھنے کی اجازت ہو گی”۔

error: Content is protected !!